بجد غريب جدا تجنب السلطة والأوقاف والمجتمع من إعطاء تعليمات واضحة وصريحة بخصوص عدم الصلاة بالمساجد بهذه الفترة.
وين المنطق من إغلاق المدارس والجامعات والمطاعم والمقاهي وحتى دروس الدين بالمساجد وعدم إعطاء تعليمات بمنع الصلاة بالمساجد لحين انتهاء الأزمة؟
اذا الكعبة تم اخلاءها ؟ الناس اللي مفكرة حالها محصنة من انتقال الفايروس الها ، ما بتفكر انه في غيرها ممكن يكون اقل مناعة ويمسك فيه الفيروس؟ معقول كمان الحماية من الفيروس راح نتركها على التوكل على الله ونحن بالمساجد ؟ ونتركها لما نروح عالبيت؟
اذا السلطة ما عندها القدرة انها تفرض التعليمات على الأوقاف يبقى ليه تغلب حالها وتغلق المدارس؟ يعني الانسان اللي بروح يصلي لمدة ١٠ دقايق اذا اصيب ممكن ينقل الإصابة لبلدة كاملة.
ووزير الأوقاف او المفتي اللي خايف يطلع فتوى تلزم الناس بالصلاة ببيوتها من اجل أمنها وامن الآخرين بهيك وقت ، الناس مش راح ترحمه لما يطلع خبر إصابة وحده من إنسان انتقل له الفيروس بعد تواجده بالمسجد.
وبموضوع القدس تحديدًا ، اذا الأوقاف ما عملت موقف استباقي بخصوص تعليمات الصلاة بالمسجد راح سلطات الاحتلال تفرض هذه التعليمات وبعد الأزمة نلاقيها صارت واقع .
شو يعني خود سجادتك؟ يعني هيك بيعمل وقاية من الفيروس ؟؟؟.
