نكشة راس كورونية : بعد اليوم ال٤٠

نحن محتاجون وزيرة المرأة علشان تقولنا كيف لازم المرأة تكون على حسب المتحدثن.
الحمدلله انه وزيرة المرأة مع صعوبة غض النظر عن خطاب الولاء اللي بدأت حديثها فيه، بتعرف بتحكي ومتحكمة بكلامها وبتحكي عربي رصين. انا من وقت ما بدت المهرجانات وانا صرت اعطي علامات للي بعرف يقرأ عربي. صوت وزيرة المرأة بالالقاء رهيب. يا عمي في تعليم غير عن تعليم.. معقول غزة بتعليم العربي احسن. لأني صارت اذني حساسة اكثر للتشكيل والقراءة بسبب وزيرة الصحة وقرائتها للعربي الغير مسبوقة بالاخطاء صرت اذني ترن عند كسرة انتصبت ( الحقيقة ان بس بقدر اميز الحاجة لكسر الحروف لانه الاسهل)
هلأ انا مش متأكدة شو علاقة الكورونا بكل هذه المشاريع. ولكن بين فكرة المرأة الحجة والحجات والكنافة هي دخلت بخطاب بقول انه المرأة بتفوق بادائها وهيبتها وقيمتها من يظن انه متفوق بمجرد كونه رجل.
ولكن الواحد بيطلع على الاداءات باستثناء افتتاحية تقديم الولاءات والشكر والامتنان لسيد البلاد ودولته والويته .. وزيرة الصحة ووزيرة المرأة بيشتغلوا بشفافية وبيحاولوا محاولات جدية بغض النظر عن شح امكانياتهم اللي الها اسباب اكيد اكتر من اللي منعرفه.
وتأكيد مرة تانية، وزيرة الصحة بدون شك تستحق الاحترام والتقدير على جهودها الواضحة والحثيثة بالقيام بدورها .
 
هلا بعيد عن الوزيرات…
بلاش يا عزيزي المتحدث تحكي حكي كبير كبير كبير بعدم حاجتكم للاموال الامريكية من هذه الادارة . عمك ترامب بتبع وبكرة بسكر الحنفية عن كل ما اله علاقة بالاموال الامريكية. الزلمة وقف الاموال عن منظمة الصحة العالمية. وحد الله على هالصبح.
 
في صحفي اليوم سأل اسئلة رهيبة:
عن الاسرى : المتحدث جاوب نحن نحمل الاحتلال المسؤولية
عن العنف الاقتصادي: الوزيرة بجد واوووو كيف جاوبت. كل الاحترام بجد. مع انه الواحد بعرف ومتاكد انه ما في امل بمنظومة ذكورية.
عن المرضى وارجاع مريض مكسور لانه مش طواريء: الوزيرة كمان اعطت جواب جيد، وكما اعطت امثلة مناسبة. ولكن نعرف ان
بين ما يقال وما يحصل على الارض
تنويه: هذه المدونات ليست مقالات. هي فشة خلق، دعابة، بوقت الواحد بطل متأكد كيف لازم يتعامل مع اللي بصير. علشان هيك بكتبها بالعامية . لا اريد منها ان تأخذ اكثر من حجمها بكونها للدعابة ونكشة راس متل ما بنقول لا اكتر.

One comment

اترك رداً على بدر سعد إلغاء الرد