بدء اداء باسل الخياط هذه السنة احسن كتير من السنوات الاخيرة السابقة وهو بمثل معتوه وسايكو وكل مرة بخترع لنا مرض نفسي عتهي جديد.
السنة روقان وعاقل ، ولكن اللي حواليه شكلهم هم المعاتيه.
يعني المسلسل لحد الحلقة السادسة والله اعلم هيك فيه ساسبنس رجع من سفو وبشتغل استاذ جامعة ونحّات يعني فنان، وحدا رئيس الجامعه وبناته مش عارفه هو رئيس عصابه ، هو مهرب، هو بتاجر بالبشر، هيك كلها تفاصيل مش مهمة.
المهم الاشخاص اللي بالمسلسل كلهم غامضين الا باسل الحمدلله.
هلأ في كم غلطة بصراحة بجد شوي يحترموا عقول المشاهد الغبي مثلي اللي قاعد بحضر، واحد مثلا لابس قبعة بصير انفجار لسيارته قبل مايطلع فيها وسبحان الله بنجرح جبيته القبعة اللابسها بتيجي الاصابة بجبينه من فوقها ولابتغير محلها.
هلا الممثلين هيك شكلهم كلهم بذكروني بجورج كلوني بدعاية نسبرسو واوقات بتخيللي دنزيل واشنطن وهو بمثل شرطي. بس هذا كله مش مهم.
في جثة وتشريح ،بورجونا غرفة تشريح ، وحدا بشلح الكفوف بطريقة فريندلي مع الكورونا، وعظمة بحللوا فيها ، العظمة من بواقي خروف بعد عزومة رمضانية ، وفجأة بتطلع نتيجة\ التحليل للعظمة اللي مرمشة هي نفس عظمة زوجة الرجل اللي هو شكله عصابة ورئيس الجامعة اللي هو بيشتغل فيها … وبعدين الموسيقى بتحس حالك بتحضر فيلم دان براون لما مثلته جوليا روبرتس وتوم هانكس
المسلسل شكله يمكن يكون حلو