مش اكيدة انه هذا العرض الافضل لفرقة مياس ، ولكن هذه مشكلة الافضل ، قديه الواحد بقدر يضل يقدم الافضل . يعني بعد ما الواحد يوصل للقمة بصير مهم انه يضل عليها فقط ، وهذا ما تقدمه هذه الفرقة.
استحقاق حقيقي للفوز … عظمة حقيقية .
بكل مرة بفكر كيف ممكن ٣٦ انسان يقدموا عرض بهذه الحرفية والاتقان والابداع كانهم شخص واحد بلحظة وكانهم مجموعة متكاملة مرة بفكر بالتاكيد بالمبدع اللي قدر يجمعهم ويدربهم ويطلع بهيك لوحة.
والحقيقة انه ما بيزعجني ابدا وجود المبدع وراهم – نديم شرفان – وما يقبل هذا من ابداع وعظمة كل واحدة منهم. العظمة الحقيقية هي بالوحدة والتفاني والايمان بالذات والثقة بالاخر .
هذه الفرقة بتخلينا نصدق انه العالم العربي ولّاد بالابداع .
الانسان العربي بيقدر لما يقرر . لما يصدق حاله. لما يآمن بمقدراته . لما يكسر حواجز خوفه. لما يتحدى وجوده الصعب بحكومات فاسدة مستبدة لتطحن الانسان بكل مكوناته … وبتحبط الابداع وبتحط من قدر الانسانية .
مياس اعطونا لحظات امل بحالنا اننا بنقدر مع بعض …
الاتحاد قوة … والتفاني والاخلاص بالعمل بيعطي نتيجة … والايمان والثقة ولا مرة بيخذلوا اصحابهم .
كاتبة فلسطينية
